XƏBƏR, İDMAN
22-09-2017, 21:32

İlin ən yaxşı futbolçusu kim olacaq?

İlin ən yaxşı futbolçusu kim olacaq? FİFA 2017-ci ilin ən yaxşısı olmağa namizəd olan 3 futbolçunun adını açıqlayıb.

Qərbinfo.az xəbər verir ki, Report-un qurumun rəsmi saytına istinadən verdiyi məlumata görə, bunlar Kriştianu Ronaldu, Lionel Messi və Neymardır.

Portuqaliyalı Ronaldu İspaniya "Real Madrid"ində, argentinalı Messi "Barselona"da çıxış edib. Neymar isə bu yay "Barselona"dan Fransa PSJ-sinə keçib. Mükafatlandırma mərasimi oktyabrın 23-də, İngiltərənin paytaxtı Londonda olacaq. Həmin tədbirdə digər nominasiyalar üzrə də qaliblər açıqlanacaq. Ən yaxşı baş məşqçi adına Massimiliano Alleqri ("Yuventus", İtaliya), Antonio Konte ("Çelsi", İngiltərə) və Zinəddin Zidan ("Real Madrid", İspaniya), ən yaxşı qapıçı adına Canluici Buffon ("Yuventus", İtaliya), Keylor Navas ("Real Madrid", Kosta Rika), Manuel Noyer ("Bavariya", Almaniya) iddialıdır.

Qeyd edək ki, ötən ilin ən yaxşı futbolçusu dördüncü dəfə Kriştianu Ronaldu olub.






Son Xəbər