XƏBƏR, HADİSƏ
17-12-2021, 11:08

Su kollektorunda skeleti tapılan şəxsin 3 il əvvəl qonşusu tərəfindən öldürüldüyü məlum olub

Su kollektorunda skeleti tapılan şəxsin 3 il əvvəl qonşusu tərəfindən öldürüldüyü məlum olub


Prokurorluq və polis orqanlarının fəaliyyətinin prioritet istiqamətlərdən biri - gizli və qeyri-aşkar şəraitdə törədilmiş və bağlı qalmış cinayətlərin açılmasını təmin etməklə təqsirkar şəxslərin ifşa olunaraq məsuliyyətə cəlb olunmasıdır.

Qərbinfo.az bildirir ki ,Baş Prokurorluğun və Daxili İşlər Nazirliyindən verilən məlumata görə, həmin tədbirlər çərçivəsində, 1997-ci il təvəllüdlü Əlyarov Tərxan Rüstəm oğlunun 22 sentyabr 2018-ci ildə qəsdən öldürülməsi faktı ilə bağlı Baş Prokurorluğun İstintaq idarəsində istintaq olunan cinayət işinin prokurorluq və polis əməkdaşları tərəfindən peşəkarlıqla həyata keçirilmiş istintaq-əməliyyat tədbirləri ilə açılması təmin edilib.

Belə ki, istintaqla müəyyən edilmişdir ki, Rafael Cəfərov 22 sentyabr 2018-ci il tarixdə Kürdəmir rayonu, Atakişili kəndində yaşayan qonşusu Tərxan Əlyarov ilə şəxsi münasibətlər zəminində aralarında yaranmış mübahisə zamanı əli ilə qəfildən onun alın-qaş nahiyyəsinə yumruqla güclü zərbə vurmuş, daha sonra özü ilə gətirdiyi deşici-kəsici xüsusiyyətə malik bıçağa bənzər alətlə Tərxan Əlyarovu qəsdən öldürmək məqsədilə onun sol yuxarı sinə nahiyyəsi istiqamətində ardıcıl zərbələr endirmiş, yetirdiyi xəsarətlərdən Tərxan Əliyarovun öldüyünə əmin olduqdan sonra törətdiyi cinayəti gizlətmək məqsədilə sonuncunun meyitini təxminən 10-15 metr çiynində daşıyaraq həmin vaxt dərinliyi 4 metr olan içərisi su ilə dolu kollektora atmış, əlindəki bıçağı və Tərxan Əlyarova məxsus iki ədəd mobil telefonu məhv etmək məqsədilə kanala atmışdır.

Prokurorluq və polis əməkdaşları tərəfindən məhkəmə-tibb ekspertinin iştirakı ilə həmin kollektora baxış keçirilərkən üzərində xətti sınıq olan bir ədəd kəllə və 7 ədəd qabırğa skelet sümükləri aşkar olunaraq müvafiq qaydada qablaşdırılaraq götürülmüş, eyniləşdirilmə aparılması üçün müvafiq ekspertiza təyin edilmiş və aşkar edilmiş sümüklərin Tərxan Əlyarova məxsus olması müəyyən edilib.

Eyni zamanda, su kanalından aşkar edilərək götürülmüş bıçaq müvafiq ekspertizaya təqdim olunmuş və tədqiqatın nəticəsinə görə cinayətin məhz həmin alətlə törədilməsi müəyyən edilmişdir.






Son Xəbər