XƏBƏR, MANŞET-SLAYDER
9-09-2021, 10:40

Azərbaycanın hərbi attaşesi "TurAz Şahini - 2021" təlimlərində iştirak edən şəxsi heyətlə görüşüb

Azərbaycanın hərbi attaşesi "TurAz Şahini - 2021" təlimlərində iştirak edən şəxsi heyətlə görüşüb

Türkiyə Respublikasının Konya şəhərində keçirilən “TurAz Şahini - 2021” birgə taktiki-uçuş təlimlərinin növbəti günündə Azərbaycan Respublikasının qardaş ölkədəki hərbi attaşesi polkovnik Müşviq Məmmədov təlimlərdə iştirak edən şəxsi heyətlə görüşüb.

Müdafiə Nazirliyindən Qərbinfo.az-a verilən məlumata görə, əvvəlcə aviasiya bazasının komandiri general-mayor Öndər Şənsöz ilə görüşən polkovnik Müşviq Məmmədov vurğulayıb ki, bu təlimlərdə iki qardaş ölkənin hərbçiləri arasında geniş təcrübə mübadiləsinin aparılması çox əhəmiyyətlidir.

Sonra qarşılıqlı xatirə hədiyyələri təqdim olunub.

Görüşdən sonra hərbi attaşe aerodroma gələrək uçuş və texniki heyətlə görüşüb, təlimin gedişi ilə maraqlanıb.






Son Xəbər