XƏBƏR, İQTİSADİYYAT
13-08-2021, 11:24

PAŞA Həyat və İsrail-Azərbaycan Ticarət və Sənaye Palatası arasında Əməkdaşlıq Müqaviləsi imzalanıb

PAŞA Həyat və İsrail-Azərbaycan Ticarət və Sənaye Palatası arasında Əməkdaşlıq Müqaviləsi imzalanıb

PAŞA Həyat və İsrail-Azərbaycan Ticarət və Sənaye Palatası arasında gələcək birgə layihələrin icrasını nəzərdə tutan Əməkdaşlıq Müqaviləsi imzalanıb.

Qərbinfo.az xəbər verir ki, 12 avqust 2021-ci il tarixində imzalanmış Əməkdaşlıq müqaviləsi qarşılıqlı əməkdaşlığın gücləndirilməsi və inkişaf etdirilməsi, təcrübə mübadiləsi sessiyaların təşkili, gələcək üçün İT mütəxəssislərinin yetişdirilməsi və onların inkişafı, innovativ rəqəmsal həllərin tətbiqi yönündə olan fəaliyyətləri əhatə edir.

Qeyd edək ki, İsrail-Azərbaycan Ticarət və Sənaye Palatası ölkələrimiz arasında iqtisadi əlaqələrin inkişafı, eləcə də dövlət-özəl işgüzar dialoqun təşviqi üçün əhəmiyyətli platformadır. Palatanın ölkələrarası əməkdaşlığın dərinləşdirilməsinə mühüm töhfəsi var.

Məlumat üçün bildirək ki, hazırda “PAŞA Həyat Sığorta” ASC 2021-2023 illəri əhatə edən yeni strateji dövrdədir və dinamik inkişafa nail olmağı hədəfləyən şirkət rəqəmsal transformasiyanı və innovativ həlləri öz fəaliyyətində əsas tutub. İmzalanmış əməkdaşlıq innovasiyaya böyük önəm verən PAŞA Həyat üçün əhəmiyyətli rol kəsb edir.






Son Xəbər