XƏBƏR, SİYASƏT
1-03-2021, 20:47

Xarici mediya Prezident İlham Əliyevin mətbuat konfransı barədə xüsusi reportaj yayımladı

Xarici mediya Prezident İlham Əliyevin mətbuat konfransı barədə xüsusi reportaj yayımladı

Ukraynanın nüfuzlu “1+1” telekanalı Azərbaycan Prezidenti İlham Əliyevin fevralın 26-da yerli və xarici media nümayəndələri üçün keçirdiyi mətbuat konfransı və işğaldan azad olunan ərazilərimiz barədə xüsusi reportaj yayımlayıb.

Qərbinfo.az xəbər verir ki, reportajda Azərbaycan Prezidentinin işğaldan azad olunan ərazilərində yerli əhalinin reinteqrasiyası, Azərbaycan və erməni əhalisinin birgə yaşayışına dair fikirləri yer alıb.

“Ağdam Qafqazın Xerosiması adlandırılır”, - deyən jurnalist, həmçinin reportajda Ağdam məscidinin dağıdılmasından görüntülər təqdim edir, ümumilikdə şəhərin dağıdıldığını qeyd edir. Ermənistan tərəfi minalanmış ərazilərin xəritəsini Azərbaycana təqdim etmədiyini vurğulayan ukraynalı jurnalist ərazilərin minalardan necə təmizlənməsi barədə ətraflı məlumat verib.

Reportajda, həmçinin işğaldan azad olunan ərazilərdə infrastruktur layihələr barədə fikirlər də yer alıb. Füzuli rayonunda beynəlxalq hava limanının, yeni magistral yolun tikintisi barədə də məlumat verilib.






Son Xəbər