XƏBƏR, MANŞET-SLAYDER, SOSİAL
5-01-2021, 09:47

İcra başçısı əsirlikdən qayıdan Şərif Əliyevi ziyarət edib - FOTO

İcra başçısı əsirlikdən qayıdan Şərif Əliyevi ziyarət edib - FOTO

Erməni əsirliyindən qurtulan Əliyev Şərif Elsevər oğlu ailəsinə qovuşub.

Qərbinfo.az xəbər verir ki, Rayonun İcra Hakimiyyətinin başçısı Alimpaşa Məmmədov və rayon ictimaiyyəti Şərif Əliyevi coşğu ilə qarşılayıblar. Onun dönüşünə qurban kəsiblər.

Şərif Əliyev və ailə üzvləri ilə görüşən İcra başçısı Alimpaşa Məmmədov bildirib ki, ölkəmizin ərazi bütövlüyü uğrunda gedən döyüşlərdə iştirak edən bütün hərbiçilərimiz Ali Baş Komandan İlham Əliyevin rəhbərliyi ilə qəhrəmanlıq göstərmiş, adlarını Zəfər Tariximizə qızıl hərflərlə yazmışlar. Məhz onların göstərdiyi şücaət nəticəsində uzun illərdir işğal edilmiş torpaqlarımız bu gün işğaldan azad olunmuşdur.

Cənab Prezidentin rəhbərliyi ilə gedən döyüşlərdə ordumuz bir daha dünyaya qüdrətini sübut etmişdir, şəhidlərimizin qanı yerdə qalmamışdır.
Rayon rəhbəri Vətən müharibəsində şəhid olan qəhrəman balalarımızın ailələrinin daim qayğı ilə əhatə olunacağını qeyd etmiş, yaralıların tezliklə sağalıb həyata dönməsini arzu edərək, onların sağalması üçün bütün səylərin göstəriləcəyini diqqətə çatdırmışdır.

Şərif Əliyev və ailəsi göstərilən diqqət və qayğıya görə Prezident Cənab İlham Əliyev və Birinci vitse-prezident Mehriban xanım Əliyevaya minnətdarlıqlarını ifadə ediblər.

Qeyd edək ki, Şərif Əliyev Murovdağ, Füzuli, Xocavənd, Hadrut istiqamətində gedən döyüşlərdə iştirak edib, 10.11.2020-ci ildə Xocavənd istiqamətində yaralı halda əsir düşüb. 14.12.2020-ci ildə əsirlikdən azad olunaraq Vətənə qaytarılıb.

İcra başçısı əsirlikdən qayıdan Şərif Əliyevi ziyarət edib - FOTO






Son Xəbər