XƏBƏR, DÜNYA
4-04-2020, 09:00

Çində pandemiya qurbanlarının xatirəsi sükutla yad edilib

Çində pandemiya qurbanlarının xatirəsi sükutla yad edilib

Çin sakinləri və ölkədə yaşayan əcnəbilər şənbə günü koronavirus qurbanlarının və pandemiya ilə mübarizə zamanı başqalarının həyatını xilas edərək həlak olanların xatirəsini sükutla yad ediblər.

Qərbinfo.az-ın Tass-a istinadən verdiyi məlumata görə, 3 dəqiqə davam edən anımda Çinin başçısı Si Tzinpinda olmaqla bütün ölkə iştirak edib.

Yerli vaxtla saat 10:00-da sirena səsləndirilib. Çin Kommunist Partiyasının və dövlət qurumlarının iştirak edən üzvləri dərin kədər əlaməti olaraq başlarını əydilər.

Aprelin 4-dü ÇXR-də ümummilli matəm elan edilib, bütün ictimai əyləncəli tədbirlər qadağan edilib. Çinin əksər idarələrinin və dövlət qurumlarının saytlarının, eləcə də milli KİV-in əsas səhifələrindəki görüntülər sutka ərzində ağ-qara rejimə keçirilib. Ölkə ərazisində, o cümlədən diplomatik missiyaların ərazilərində bayraqlar salınıb.

Rəsmi məlumatlara görə, ölkədə 3,3 mindən çox COVİD-19 virusuna yoluxan sakin vəfat edib.






Son Xəbər