XƏBƏR, İDMAN
16-01-2020, 19:57

Güləş millimiz "Qran-pri"də çıxış edəcək

Güləş millimiz "Qran-pri"də çıxış edəcəkYanvarın 18-də Fransanın Nitsa şəhərində olimpiya çempionu Anri Deqlanın xatirəsinə sərbəst və yunan-Roma güləşi üzrə "Qran-pri" turniri keçiriləcək.

Qərbinfo.az-ın məlumatına görə, ənənəvi yarışın proqramına əsasən, ilk gün sərbəst, ikinci gün isə yunan-Roma güləşçiləri mübarizə aparacaq.

"Qran-pri"də Azərbaycanı yunan-Roma güləşi üzrə yığma komanda təmsil edəcək. Yanvarın 2-dən Rusiyanın Saransk şəhərində təlim-məşq toplanışı keçən milli komanda sabah Rusiyadan Fransaya yollanacaq.

Nitsada baş məşqçi Aleksandr Tarakanov və məşqçi Akif Əliyevin rəhbərliyi altında Murad Məmmədov (60 kq), Taleh Məmmədov (63 kq), İslambek Dadov (67 kq), Ülvi Qənizadə, Sənan Süleymanov (hər ikisi 72 kq), Həsən Əliyev (77 kq), Rafiq Hüseynov (82 kq), İslam Abbasov (87 kq), Orxan Nuriyev (97 kq), Sabah Şəriəti və Beka Kandelaki (hər ikisi 130 kq) qüvvəsini sınayacaq.

Qeyd edək ki, yanvarın 19-da yekun vurulacaq turnirdə beynəlxalq dərəcəli hakim Əli Babayev ədaləti qoruyacaq.






Son Xəbər