XƏBƏR, MƏDƏNİYYƏT
29-10-2019, 12:59

İçərişəhərin Qoşa Qala qapılarında bərpa-konservasiya işləri başa çatıb - FOTO

İçərişəhərin Qoşa Qala qapılarında bərpa-konservasiya işləri başa çatıb

İçərişəhərin Qoşa Qala qapılarında bərpa-konservasiya işləri başa çatıb.

“İçərişəhər” Dövlət Tarix-Memarlıq Qoruğu İdarəsindən (DTMQ) Qərbinfo.az-a verilən məlumata görə, nəinki İçərişəhər, bütövlükdə Azərbaycan tarixi üçün böyük dəyərə malik Qoşa Qala qapılarında sözügedən şirkət tərəfindən bərpa-konservasiya işləri uğurla həyata keçirilib.

Belə ki, 2019-cu ilin ortasında başlayan layihəyə əsasən Qoşa Qala qapıları həm İçəri Şəhər (daxili), həmçinin Bayır şəhər (fasad) tərəfindən bərpa-konservasiya edilib.

Bərpa və konservasiya işləri ilk öncə Qala divarlarının daxili hissəsindən başlanıb, daha sonra isə qapılarının yanındakı iki bürc də daxil olmaqla abidə xaricdən bərpa edilib.

“İçərişəhər” DTMQ İdarəsi ictimaiyyətin nəzərinə çatdırır ki, Qala divarları bütövlükdə sonuncu dəfə 1952-1957-ci illərdə bərpa edilib. Yarım əsrdən çox müddətdə isə tarixi abidə restavrasiya edilməyib, yalnız 2011-2012-ci illərdə İdarə tərəfindən Qala divarlarının 150 metrə yaxın hissəsi şimali-qərb istiqamətindən bərpa edilib. Təbiidir ki, inşa tarixi erkən orta əsrlərə gedib çıxan bu əzəmətli abidə zaman keçdikcə xarici qüvvələrin təsiri altında zədələnir və daşlar aşınmaya məruz qalır.

Bununla bağlı olaraq İdarə ölkə rəhbərliyinin daimi diqqəti və nəzarəti altında apardığı müxtəlif bərpa-konservasiya layihələrindən daha birini uğurla başa çatdırmış və İçərişəhərin simvollarından biri olan, tarixi XII əsrə söykənən Qoşa Qala qapılarını bərpa etdirib.
İçərişəhərin Qoşa Qala qapılarında bərpa-konservasiya işləri başa çatıb
İçərişəhərin Qoşa Qala qapılarında bərpa-konservasiya işləri başa çatıb
İçərişəhərin Qoşa Qala qapılarında bərpa-konservasiya işləri başa çatıb
İçərişəhərin Qoşa Qala qapılarında bərpa-konservasiya işləri başa çatıb
İçərişəhərin Qoşa Qala qapılarında bərpa-konservasiya işləri başa çatıb






Son Xəbər