XƏBƏR, İQTİSADİYYAT
9-10-2019, 23:51

Azərbaycanla ABŞ arasında əməkdaşlıq müzakirə edilib

Azərbaycanla ABŞ arasında əməkdaşlıq müzakirə edilib

Azərbaycan xarici işlər nazirinin müavini Nadir Hüseynov ölkəmizdə işgüzar səfərdə olan ABŞ-ın Daxili Təhlükəsizlik Departamentinin İmmiqrasiya və Gömrük Xidmətinin Direktor müavini Marlen Pineironun başçılıq etdiyi nümayəndə heyətini qəbul edib.

Xarici İşlər Nazirliyindən Qərbinfo.az-a verilən məlumata görə, görüşdə həmçinin ABŞ-ın Azərbaycandakı səfiri Earle Litzenberger və Azərbaycan Xarici İşlər Nazirliyinin Konsuluq İdarəsinin rəisi, səfir Faiq Bağırov iştirak edib.

Görüş zamanı iki ölkə arasında mövcud siyasi, humanitar və digər sahələrdə münasibətlərin hazırkı durumu haqqında fikir mübadiləsi aparılıb, qanuni miqrasiya və qanunsuz miqrasiyaya qarşı mübarizə sahəsində qarşılıqlı maraq doğuran məsələlər və əməkdaşlıq perspektivləri müzakirə edilib.

N.Hüseynov Ermənistan-Azərbaycan, Dağlıq Qarabağ münaqişəsi barədə qarşı tərəfə məlumat verib.

Tərəflər, habelə qarşılıqlı maraq doğuran digər məsələləri müzakirə ediblər.






Son Xəbər