XƏBƏR, DÜNYA
7-10-2019, 22:30

Əfqanıstanda baş vermiş terror aktı nəticəsində ölənlər var

Əfqanıstanda baş vermiş terror aktı nəticəsində ölənlər var

Əfqanıstanın şərqində yerləşən Cəlalabad şəhərində terrorçu kamikadzenin idarə etdiyi mikroavtobusun təhlükəsizlik xidmətinin əməkdaşlarına bombalı hücumu nəticəsində ən azı 10 nəfərin öldüyü, 27 insanın isə yaralandığı bildirilir.

Qərbinfo.az Reuters agentliyinə istinadla xəbər verir ki, bu barədə məlumatı şəhərin hüquq-mühafizə orqanları yayıblar. Cəlalabadın daxil olduğu Nanqarhar vilayəti qubernatorunun sözçüsü Ataullah Xoqyani bildirib ki, bomba yüklü mikroavtobus əsgərlərin və dinc sakinlərin, o cümlədən uşaqların olduğu yerdə partladılıb. Vilayət Şurasının üzvü Zöhrab Qaderi məlumat verib ki, yaralılardan bir neçəsinin vəziyyəti ağırdır. Onun sözlərinə görə, ölənlərin sayı arta bilər.

Terror aktına görə məsuliyyəti heç bir qruplaşma üzərinə götürməyib. Bildirilir ki, bu bölgədə fəallaşan “İslam dövləti” terror təşkilatının üzvləri hökumət binalarına, məktəblərə bombalı kamikadze hücumları həyata keçirirlər.






Son Xəbər