XƏBƏR, SOSİAL
27-09-2019, 17:49

Bu tədris ili üzrə 7 minədək müəllim işə qəbul olunub

Bu tədris ili üzrə 7 minədək müəllim işə qəbul olunub
2019-2020-ci tədris ili üzrə müddətsiz müqavilə əsasında 3 min 260 müəllim işə qəbul olunub. Onlardan 973 nəfər həvəsləndirmə tədbirləri tətbiq olunmayan ümumi təhsil müəssisələrinə, 2 min 287 nəfər isə həvəsləndirmə tədbirləri tətbiq edilən məktəblərə işə qəbul edilib.

Təhsil Nazirliyindən Qərbinfo.az-a bildiriblər ki, indiyədək 3 min 615 nəfər müddətli müqavilə əsasında müəllim adını qazanıb. Hazırda müddətli müqavilə əsasında müəllimlərin işə qəbulu prosesi davam edir.

Qeyd edək ki, ümumilikdə son 5 ildə məktəblərin müəllim tərkibi keyfiyyət baxımından yaxşılaşıb, 20 mindən çox gənc müəllim işə qəbul olunub. Kənd məktəblərində fəaliyyətə başlayan gənc müəllimlər üçün stimullaşdırıcı tədbirlər tətbiq edilib, 10 mindən çox müəllim bu tədbirlərdən faydalanıb.

Cari ildə müəllimlərin işə qəbulu üzrə müsabiqədə iştirak edənlərin sayı əvvəlki illərə nisbətən 3 dəfədən çox artıb, müraciət edənlərin sayı təqribən 55 min olub.

Bu il ali məktəblərə qəbul imtahanlarında 500-dən çox bal toplayanların hər 4 nəfərindən biri və ya 25 faizi müəllimlik ixtisasını seçib.






Son Xəbər