XƏBƏR, MANŞET-SLAYDER
18-07-2019, 18:57

Birlik sədri Fuad Bədəlov "AXC-nin 100 illik yubiley medalı" ilə təltif edilib - ŞƏMKİR

Birlik sədri Fuad Bədəlov "AXC-nin 100 illik yubiley medalı" ilə təltif edilib - ŞƏMKİR

Şəmkir Regional Qeyri-Hökümət Təşkilatlarının Resurs və Təlim İctimai Birliyinin sədri Bədəlov Fuad Sərvəz oğlu Azərbaycan Prezidenti Cənab İlham Əliyevin 27 may 2019-cu il tarixli Sərəncamı ilə “Azərbaycan Xalq Cümhuriyyətinin 100 illiyi (1918-2018)” yubiley medalı ilə təltif edilib.

Qərbinfo.az xəbər verir ki, Şəmkir Rayon İcra Hakimiyyətinin başçısı Alimpaşa Məmmədov yubiley medalını rayonun fəal gənclərinin də iştirak etdiyi tədbirdə Fuad Bədəlova təqdim edib.

Fuad Bədəlov medalın ona təqdim olunmasını Qarabağ müharibəsi veteranlarına verilən qiymət, göstərilən böyük etimad kimi dəyərləndirib: “Azərbaycan Xalq Cümhuriyyətinin adını daşıyan medala layiq görülməyim təkcə mənə yox, eyni zamanda, Qarabağ qazilərinə yüksək dəyər və qiymətin bariz nümunəsidir. “Azərbaycan Xalq Cümhuriyyətinin 100 illiyi (1918-2018)” medalına layiq görülmək böyük şərəfdir. Buna görə cənab Prezident İlham Əliyevə öz adımdan və bütün Qarabağ müharibəsi iştirakçıları adından səmimi minnətdarlığımı bildirirəm”

Qeyd edək ki, 2-ci qrup Qarabağ müharibəsi əlilidir. Hal-hazırda Şəmkir Regional Qeyri-Hökümət Təşkilatlarının Resurs və Təlim İctimai Birliyinin, eyni zamanda, Şəmkir Rayon İcra Hakimiyyəti başçısı yanında İctimai şuranın sədridir.
Birlik sədri Fuad Bədəlov "AXC-nin 100 illik yubiley medalı" ilə təltif edilib - ŞƏMKİR






Son Xəbər