XƏBƏR, MARAQLI
18-07-2019, 15:32

Pətək havası ilə müalicə bir çox xəstəliklərin çarəsidir

Pətək havası ilə müalicə bir çox xəstəliklərin çarəsidir
Arı və arı məhsulları ilə müalicədə müxtəlif üsullardan istifadə olunur. Onlardan biri də pətək havası ilə müalicədir. Həkim-fitoterapevtlər məsləhət edirlər ki, pətək havası ilə müalicə bronxial astma, təzyiq, yuxusuzluq kimi xəstəliklərdə ən yaxşı təbii üsul hesab olunur.

Qərbinfo.az-ın araşdırmasına görə, arıların öz pətəklərini bakteriya və mikroblardan qorumaq üçün istifadə etdikləri propolis təbii antibiotikdir. Pətəyin içərisindəki propolis, bal və mum isti havanın təsiri ilə müəyyən qədər buxarlanaraq havaya qarışır. Xəstənin həmin hava ilə nəfəs alması olduqca müsbət təsir göstərir. Hava, arıların titrəyişləri və pətəkdə olan səs sakitləşdirici müalicə şəraiti yaradır. Pətək havası ilə nəfəs almaq oksigenin artırılması nəticəsində qan dövranını yaxşılaşdırır, kiçik qan dövranına təsir göstərir, ağciyərdə olan durğunluğu aradan qaldırır və antiallergik təsir edir. Xüsusilə, allergik rinit, allergik faringit, allergik bronxit, baş ağrıları, miqren kimi xəstəliklərdə geniş istifadə olunur. Müalicə məqsədilə istifadə edilən arılar təbii şəraitdə, heç bir dərman preparatlarından istifadə olunmadan bəslənilməlidir.






Son Xəbər