XƏBƏR, SOSİAL
11-06-2019, 19:23

Uşaq əməyinin istismarının qarşısının alınmasına dair məktəblilər üçün maarifləndirmə tədbiri keçirilib

Uşaq əməyinin istismarının qarşısının alınmasına dair məktəblilər üçün maarifləndirmə tədbiri keçirilib
Azərbaycan qanunvericiliyi uşaq əməyinin istismarını qadağan edir. Uşaq əməyinin istismarı qanuna zidd olmaqla, uşağın fiziki və mənəvi inkişafına zərər vurur, əksər hallarda onun təhsildən yayınması ilə müşahidə olunur.

Bu barədə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Bakı şəhərinin Nizami rayonunda yerləşən orta məktəbdə yuxarı sinif şagirdləri üçün “Uşaq əməyinin istismarının qarşısının alınması” və “Qeyri-rəsmi məşğulluğun qarşısının alınması” mövzularında keçirdiyi maarifləndirmə tədbirində söhbət gedib.

Nazirliyin ictimaiyyətlə əlaqələr və kommunikasiya şöbəsindən Qərbinfo.az-a verilən məlumata görə, tədbirdə qeyd edilib ki, əmək şəraiti ağır, zərərli olan iş yerlərində, yeraltı tunellərdə, şaxtalarda və digər yeraltı işlərdə yaşı 18-dən az olan şəxslərin əməyinin tətbiq edilməsi qadağandır. Habelə onlar əxlaqi kamilliyinin inkişafına mənfi təsir göstərən gecə klubları, bar və kazinolarda işlərə cəlb edilə bilməzlər.

Əmək münasibətləri sahəsində uşaq hüquqları, uşaq əməyinin istismarı və məcburi əməyə cəlbetmə hallarına qarşı mübarizə barədə geniş məlumatlar verilib. Yaşı 18-dən az olan işçilərin əməyindən istifadə zamanı onlar üçün əmək şəraiti, iş və əmək məzuniyyəti vaxtı, müddəti və s. baxımından qanunvericilikdə nəzərdə tutulan əlavə təminatlar, güzəştlər diqqətə çatdırılıb.

Tədbirdə “Qeyri-rəsmi məşğulluğun qarşısının alınması” mövzusundan da bəhs olunub. Əmək münasibətlərinə daxil olan hər bir şəxslə ilk növbədə əmək müqaviləsi bağlanmasının vacibliyi, əmək müqaviləsinin işçinin əmək və sosial təminat hüquqları üçün əsas yaratdığı qeyd olunub, iştirakçıların sualları cavablandırılıb.
Uşaq əməyinin istismarının qarşısının alınmasına dair məktəblilər üçün maarifləndirmə tədbiri keçirilib
Uşaq əməyinin istismarının qarşısının alınmasına dair məktəblilər üçün maarifləndirmə tədbiri keçirilib
Uşaq əməyinin istismarının qarşısının alınmasına dair məktəblilər üçün maarifləndirmə tədbiri keçirilib






Son Xəbər