XƏBƏR, HADİSƏ
25-05-2019, 17:57

Şəmkirdə avtomobil qaçırmaqda şübhəli bilinən şəxs saxlanılıb

Şəmkirdə avtomobil qaçırmaqda şübhəli bilinən şəxs saxlanılıb
Şəmkirdə avtomobil qaçırmaqda şübhəli bilinən şəxs saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan Qərbinfo.az-a verilən məlumata görə, Şəmkir Rayon Polis Şöbəsinə (RPŞ) ərizə ilə müraciət edən rayonun Yeniyol kənd sakini Rəhman Babayev kənd ərazisində ona məxsus “VAZ 2106” markalı avtomobilin naməlum şəxs və ya şəxslər tərəfindən qaçırıldığını bildirib.

Daxil olmuş müraciət əsasında RPŞ-nın əməkdaşları əməliyyat-axtarış tədbirlərinə başlayıb.

Keçirilən tədbirlər nəticəsində vətəndaşa məxsus avtomobili qaçırmaqda şübhəli bilinən Şəmkir rayon Qaracəmirli kənd sakini 20 yaşlı Asiman Alıyev saxlanılıb.

Araşdırmalarla məlum olub ki, A.Alıyev qaçırdığı avtomobildən 300 manat nağd pulu və 4 ədəd səsgücləndiricini də götürərək satmaq üçün rayonun Təzəkənd ərazisində gizlədib.

Faktla bağlı araşdırma davam etdirilir.






Son Xəbər