XƏBƏR, HADİSƏ
13-03-2019, 21:53

Kiçik Qafqazın Zəyəmçay hövzəsində qarölçmə işləri aparılır

Kiçik Qafqazın Zəyəmçay hövzəsində qarölçmə işləri aparılır
Ekologiya və Təbii Sərvətlər Nazirliyinin Milli Hidrometeorologiya Departamentinin mütəxəssisləri ölkə ərazisində qar-su ehtiyatlarının müəyyənləşdirilməsi, su resurslarının qiymətləndirilməsi məqsədilə Böyük və Kiçik Qafqazın yüksək dağlıq ərazilərində qarölçmə işlərini davam etdirirlər.

Nazirliyin mətbuat xidmətindən Qərbinfo.az-a bildiriblər ki, hazırda ekspedisiya üzvləri Kiçik Qafqazın Zəyəmçay hövzəsinin 1600 metr hündürlüyündə qarölçmə işləri aparırlar.

Xatırladaq ki, ekspedisiya Azərbaycan Respublikası Prezidentinin 2016-cı il 6 dekabr tarixli Fərmanı ilə təsdiq edilmiş “Azərbaycan Respublikasında kənd təsərrüfatı məhsullarının istehsalına və emalına dair Strateji Yol Xəritəsi”nin suvarma suyuna olan tələbatın öyrənilməsi, suvarma suyu ilə təminatın yaxşılaşdırılması bəndlərinə uyğun olaraq təşkil edilib.






Son Xəbər