XƏBƏR, MƏDƏNİYYƏT
26-11-2018, 18:53

Xalq çalğı alətləri ifaçılarının birinci respublika müsabiqəsi keçirilir - BAKI

Xalq çalğı alətləri ifaçılarının birinci respublika müsabiqəsi keçirilir
Noyabrın 26-da Azərbaycan Milli Konservatoriyasında (AMK) Xalq artisti Hacı Xanməmmədovun anadan olmasının 100 illiyinə həsr edilmiş xalq çalğı alətləri ifaçılarının birinci respublika müsabiqəsinə start verilib.

Qərbinfo.az xəbər verir ki, bu münasibətlə keçirilən tədbirdə təhsil ocağının rektoru, Xalq artisti Siyavuş Kərimi çıxış edərək müsabiqənin əhəmiyyətindən söz açıb. Qeyd edib ki, müsabiqə instrumental ifaçılıqda yeni addımdır və milli musiqi ifaçılığına öz müsbət töhfələrini verəcək. Bu müsabiqə ilə yeni gənc ifaçıları azad yaradıcılıq həyatına istiqamətləndirəcəyik.
Xalq çalğı alətləri ifaçılarının birinci respublika müsabiqəsi keçirilir
İnstrumental ifaçılıq (tar, kamança, qanun və milli nəfəs alətləri) üzrə 2 yaş qrupundan (16-19, 19-25) ibarət olan müsabiqə noyabrın 26-dan 30-dək iki mərhələ üzrə keçiriləcək.
Xalq çalğı alətləri ifaçılarının birinci respublika müsabiqəsi keçirilir
Müsabiqənin məqsədi gənc nəslin estetik tərbiyəsinin, ümumi musiqi zövqünün formalaşması, onların yaradıcılıq imkanlarının inkişaf etdirilməsi, ifaçılıq qabiliyyətinin yüksəldilməsi və təkmilləşdirilməsindən ibarətdir.






Son Xəbər